Juve bul ṭanna tur Sampdoria

Italian Football Federation chuan 2020-21 season Serie A khelh ṭan hun tur an tihchian hnu lawkah fixture an ti chhuak a, champion lai Juventus chuan an match hmasa berah Sampdoria an hmachhawn ang.

Turin club hian a zawna a vawi 10 nan league champion nih an tum dawn, manager thar Andrea Pirlo-a'n eng tiang takin nge Cristiano Ronaldo leh a ho te a rawn kaihhruai dawn tih chu khawvel hriat chak a ni.

Antonio Conte enkawl Inter Milan chuan an match hmasa berah kai thar Benevento an hmachhawn dawn, pathumna Atalanta leh palina Lazio te chu an league match hmasa berah an intawng nghal dawn, inkhel ngaihven hlawh a ni ang.