Super Bowl XLIX-ah Patriots an champion

Pathianni zan khan Glen­dale, Arizona-ah Super Bowl XLIX khelh a ni a. New England Patriots-in an khingpui Seattle Seahawks chu 28-24 in an hneh.

United States-ah mipuiin American Football an ngaihlu a, khawvel hmun dangah an league pangngai tuipui hranpa lo mah se a vawrtawp Super Bowl hi chu Mizoram tlengin TV kaltlanga entu an ṭhahnem hle.

Pathianni zan Super Bowl kha hun tawp thlengin a hmuh­nawm a, a ngaihnawm bawk.

New England Patriots quar­terback Brady chuan a ṭum lina atan an ngaih hlut em em Super Bowl zungbun (ring) a hlawh chhuak a, quarterback ropui Joe Montana leh Terry Brad­shaw te nen an zungbun hlawh chhuah zat a inang ta chiah a ni.