Rodgers-a'n Sturridge chhawr a hmanhmawh lo

Liverpool forward Daniel Sturridge chu hun rei tak a inhliam hnu­ah kartawp khan a inlan a, West Ham lamah goal a khung. Liver­pool ma-nager Bren­dan Rodgers chuan starting eleven-a dah a hmanhmawh loh thu a sawi.

Rodgers chuan, "Sturridge hian team chhungah phurna nasa tak a pe a ni. A ni ang 'top class' player neih hi chuan kan ṭha sawt ṭhin a ni. A rawn tlan luh chiah khan kan khelh dan a danglam a, kan khel ṭha sawt," tiin a sawi.

Liverpool boss chuan, "Starting eleven-a lut nghal tur chuan hun tlem a la mamawh dawn a, kan la chhawr rim lutuk loh hi a tan a ṭha zawk a ni," tiin hahdam a la mamawh thu a sawi.

Sturridge hi inhliam vangin thla nga chhung a inlan thei lo a, a dam hnuah goal nen a rawn kir. Goal khung harsat Liverpool tan Sturridge hi buaina chhawk zângkhai tura beisei a ni.