Thiery Henry mittui a tla

World Cup 1998 leh Euro 2000 a France champion puitu Thierry Henry chuan Arsenal aṭanga Barcelona a zawm dawn khan a mittui a tlak thu a sawi.

Henry hian pound maktaduai 16-in London club aṭangin Barcelona a zawm a, nikum khan football khelh a chawlhsan. Tunah hian Sky Sports tan pundit (football expert) hna a chelh mek.

Arsenal player hlui Henry chuan, "Arsenal chhuahsan kha ka duh ngai lo, kum 29-a upa ka ni tawh a, ka chetṭhat lai a ni bawk. Ka ṭhiante an chhuak zel a, Arsene-a (Wenger) hmalam hun ka hriat loh avangin ka chhuahsan ta a ni. Thutlukna awlsam a ni lo a, ka ṭap hial a ni. Inelna hmachhawn zel ka duh avangin chhuahsan kha a ṭul ta a ni," tiin a sawi.