Dhawan-a'n Delhi chakpui

Shikhar Dhawan-a'n Delhi Capitals tan century a siam a, Inrinni zan khan Chennai Super Kings wicket ngain an hneh. Shreyas Iyer hoten match kua an khelh aṭangin point 14 an hmu a, hmahruaitu an ni mek.

Sharjah Cricket Stadium-ah Chennai-in bat hmasak an thlang. Faf du Plessis (58), Ambati Rayudu (45*), Shane Watson (36) leh Ravindra Jadeja (33*) te an che ṭha a, run 179/4 an siam.

Chennai tana che ṭha ber Faf du Plessis hi Dhawan-a'n a ball vuak mansak loh avangin a vannei a, chutihrualin India opener hian a hnuah mansak leh ta tho.

Fielding-ah ni loin Dhawan hi batting-ah a langsar zui a, Delhi batsman hian ball 58 lek aṭangin run 101 a siam a, a thi lo. Capitals hian ball khat dan bangin run 185/5 an siam a, hnehna an chang.

Zanin dar 7:30 hian Chennai Super Kings-in Rajasthan Royal an hmachhawn dawn a, team pahnih hian point ruk ve ve an hmuh mek avangin inkhel pawimawh a ni.