August 1 aṭangin I Day Veteran Football

MFA buatsaih Sorazo I Day Veteran Football Tournament 2024 chu August 1, Ningani aṭangin Chite Ground-ah khelh a ni dawn. Inelnaah hian team 18 an tel dawn a, group parukah team pathum zelin an ṭhen ang a, group tina a sang ber leh pahnihna zinga ti ṭha pahnihten quarterfinal an lut dawn.

Quarterfinal hi ruahman dan chuan August 12, Thawhṭannia khelh tur a ni a, August 13, Thawhlehniah semifinal khelh lehnghal tur niin final erawh RG Stadium, Mualpuiah August 15, Ninganiah khelh a ni ang.

Veteran football hi kum 40 chin chunglam tan a ni a, kumin aṭang hian kum 1984 leh a hma lama piangte tan a khel theih a ni.