MPL11 fixtures an siamrem

MPL Board chuan LZ Juice MPL11 fixtures chu July 31, Nilaini aṭanga khelh ṭan tur I Day Football vangin an siamrem. MPL11 round 5 hi ruah hman lawk dan chuan July 29-30, 2024-a khelh tur a ni a, I Day Football hmaa hun awl ṭha zawk awm theih nan July 26-27, 2024-ah khelh tur a ni ang.

MPL11 hi ṭum dang aiin an khel hma a, round li an khel zo der tawh. I Day Football chhung hian chawlh a ni a, August 22, Ningani aṭangin round 6 khelh chhunzawm a ni ang.

MPL Board-in phase 1 fixtures chauh a la ti chhuak a, kum danga MPL ṭan hun velah season chanve khelh zawh a ni dawn. August 27, Thawhlehniah MPL club ten match sarih ṭheuh an khel tawh ang.

MPL11-ah Chanmari FC, Aizawl FC leh SYS FC ten hneh loh an la tawng lo. Lalsangzuala Hmar enkawl Chanmari FC-in point 10 hmuin hmahruaitu an ni a, MPL club pariatten point an hmu vek tawh a ni.