Premier League club-in sum hmang tam ber
January transfer tawp niah Chelsea-in Colombian winger Juan Cuadrado an la lut a, Andre Schurrle leh Mohamed Salah-te an chhuahtir thung.
London club hi tranfer-a thawm nei lian ber an ni. Chelsea elpui Manchester City-in Swansea aṭangin pound maktaduai 28-in Wilfried Bony an la lut a, Ivory Coast forward hi tun transfer hman zawh taka player manto ber a ni.
Chelsea leh Manchester City te'n player langsar la lut mah se kumin transfer thawm hi a lian tawk lo a, sum chevel erawh a tlem chhe lo thung. Premier League club-in Europe league sang zingah pawisa an hmang tam ber.
Nipui transfer khan Premier League club te'n pound maktaduai 835 an hmang a, 2013/14 season-a an pawisa hman zat (£760m) aiin a tam zawk. January transfer-ah BPL club-te'n pound maktaduai 130 hmang lehin, 2014/15 season chhunga an pawisa hman zat chu pound maktaduai 965 a ni.
Sports business group, Deloitte nena thawk dun, Dan Jones chuan, "Nipui transfer-ah record thar kan hmu a, pawisa ṭhahnem tak hman a ni. Hei vang hian January transfer-a club-te'n pawisa an hmang tam lo hi a mak lo. Chutihrualin Premier League club-te'n pawisa an la lut ṭha a, transfer lian zawk pakhat emaw pahnih emaw chu ka beisei a ni," a ti.
Deloitte-in January transfer a zirchianna aṭanga pawimawh zualte chu :
Premier League club-te'n British pawn aṭanga player lak luh nan pound maktaduai 65 an hmang a, hei hi Premier League club-te pawisa hman 50% a ni.
Tranfer tawp niah Premier League club-te'n player lak luh nan pound maktaduai 45 an hmang a, nikum khan pound maktaduai 35 an hmang.
Manchester City, Chelsea leh Arsenal te'n pawisa an hmang tam a, club pathum pawisa hman hi Premier League club dang zawng pawisa hman nen a intluk tawk vel.
Italian Serie A-in Premier League club pawisa hman chanve (£65m) an hmang a, German leh Spanish club-te'n English club-te pawisa hman 40% (£52m) an hmang. France lamin England club-te pawisa hman hmun lia ṭhena hmun khat (£32m) an hmang thung.
Premier League club zingah Crystal Palace-in player pariat ngawt an la lut a, anni aia la lut tam an awm lo.
BPL club-te January transfer-a an pawisa hman dan
Kum Sum hman zat
2006 £70
2007 £60
2008 £175
2009 £170
2010 £30
2011 £225
2012 £60
2013 £120
2014 £130
2015 £130