Ben Arfa chawl maithei

Hatem Ben Arfa-a thuhretu Jean Jacques Bertrand chuan Newcastle player hlui Ben Arfa chuan football a chawlhsan thut mai theih thu a sawi.

French midfielder Ben Arfa hian January thla tir lam khan Newcastle

United aṭangin Ligue 1 club Nice a zawm. FIFA danah player pakhatin season khat chhungin club pahnih tan bak a khelh theih loh avangin Ben Arfa hi tun season-ah inlan thei tawh dawn lo.

Kum 27-a upa Ben Arfa hian season tir khan Newcastle tan Under 21-ah game riat a khel tawh a. Chumi hnuah loan-in Hull City tan a khel leh bawk. Club pahnih tana a inlan tawh avangin French midfielder hian Nice tan a khel thei dawn lo.

Bertrand chuan, "A rilruah chawlh duhna a awm a, naktukah pawh a chawl thut maithei," tiin player chuan hun harsa tak a tawn thu a sawi.