Barca buaina la kiang lo

Barcelona-in FIFA dan kalha kum 18 hnuai lam player an lak luh avangin hrem an tawk tawh a. Hemi hma hian Neymar an lak luhna kawnga chhiah an awl ruk vangin president Sandro Rosell chuan thiam loh a lo chang tawh a, a hna a chawlhsan phah hial. An buaina hi a la tawp lo, tuna an president ni mek Josep Maria Bartomeu pawh a fihlim chuang lo.

Barcelona president Bartomeu chu Neymar tranfer fee aṭangin euro maktaduai 2.8 eirua ngaih a ni. Prosecutor chuan judge Pablo Ruz chu Bartomeu chhui zui turin thuchhuah a siam.

Spain public pro­secutor-te chuan Barce­lona aiawh leh president hlui Rosell te chu in­sawifiah turin an ko a; Barcelona leh Rosell-te hian tihsual an neih loh thu an sawi thung.

Barcelona thuchhuah­in a tarlan danin Spanish club hian Brazilian club Santos aṭanga Neymar la lut tur hian euro mak­taduai 57 an hmang a, player chhungte'n euro maktaduai 45 an chang niin an sawi bawk.

Amaherawhchu, prosecutor-te hian Barcelona hi chhiah awlruk duh vangin Neymar-a man dik tak aia tlem an tarlang niin an sawi a, Catalan club hian euro maktaduai 12 chhiah an awl ru niin an tarlang.