Real-in Sevilla an mikhual dawn

Zanin dar 1:15 hian La Liga-ah Real Madrid-in Sevilla an mikhual dawn a, Star Sport 4-ah a en theih ang.

Real Madrid-in FIFA Club World Cup an khelh avangin zanin inkhel hi tih khawtlai a ni. Real Madrid leh Sevilla te hian La Liga team dang zawng aiin match khatin an khel tlem a, zaninah team dang khelh zat an khel chiah ang.

Real Madrid-in an player pawimawh Cristiano Ronaldo chu match hnih chhung hrem vangin an chhawr thei dawn lo. Amaherawhchu, Inrinni khan Ronaldo tel loin Real Madrid hian Real Sociedad 4-1 in an sawp a, Portuguese forward tel lo hian an ṭha tawk.

Real manager Carlo Ancelotti chuan, "Kan hmahruaina chhunzawm nan game pawimawh tak tak kan hmachhawn zel dawn a. Kan inthlak dang-lam zeuh zeuh ang," tiin player siksawi pawimawh thu a sawi.

Real hian Ronaldo bakah Luka Modric leh Pepe te inhliam vangin an chhawr thei dawn lo.

Sevilla manager Unai Emery chuan, "Fak hlawh tur ringawt ni loin chak ngei turin kan khel dawn a ni," a ti.

Sevilla hi tunhnaiah an che ṭha a, table-ah palinaah awm mekin Champions League khelh ngei an tum.