Lennon-a'n Everton pan

English midfielder Aaron Lennon chuan Tottenham Hotspurs chhuahsanin tun season tawp thleng cham turin an elpui club Everton chu loan-in a zawm.

Lennon hian Tottenham-ah hmun nghet a chan theih meuh loh avangin Everton coach Roberto Martinez hnuaiah khelhna hmun chan beisei in a chhuak ta a ni.

Everton boss Martinez chuan, "Lennon hian tawnhriat a ngah tawh a, World Cup thleng pawh a lo khel tawh a ni. Kan team tan hian goal nawr-na kawngah a ṭangkai hle ang," tiin a sawi.

Lennon hian England tan vawi 21 a khel tawh. Kum 2005 khan Leeds United aṭangin Tottenham a zawm a, Spurs tan game 300 chuang khel tawhin inelna hrang hrangah goal 30 a khung tawh a ni.