Tuikual South-in final an lut

Nimin khan Tuikual South in MSL Playoff semifinal-ah KK Basketball Club 78-70 a hnehin final an lut. Zarkawt Recreation Center-a semi final hnuhnung zawk a Bethlehem BC leh Chawnpui VR4 te inkhel result kan hre hman lo.

Tuikual South hian KK Basketball Club hi League stage-ah 82-67 in an lo hneh tawh a, hei vang hian inkhel ṭantir aṭangin an ngam nghal hle.

Quarter khatna leh hnihnaah phei chuan KK lam hian an ngam lo hle. Quarter thumnaah KK in theihtawp chhuahin an bei let a, Tuikual South lam hi talbuai hman mah se inkhel result a danglam phah lo.

Tuikual South tan Vanchuangkima'n point 13 a hlawhchhuak a, dan pang­ngaiin captain F.Zodinthara a ṭangkai leh hle bawk.

Point 19 score-tu KK player Malthan­tluanga'n MSL a khel dawn lo erawh Basketball ngaina tu tan chânna a ni.