Mizoram Table Tennis Association inthlang thar

Mizoram Table Tennis Association (MTTA) chuan October 16, Zirtawpni tlai khan MTTA Hall, Kawltheihuan, Mission Vengah 2020-2022 chhung an hruaitu tur an thlang, inthlanna hi March thlaa neih tur kha ni mah se Covid-19 vangin a hun pangngaiah an nei thei lo.

Inthlan ni hian Annual General Body Meeting neih nghal a ni a, Aizawl District Table Tennis Association chu Aizawl North Table Tennis Association leh Aizawl South Table Tennis Association a siam thar turin an ti.

Aizawl North TTA hian Aizawl hmar leh tlâk lam veng hrang hrang te huamin, Aizawl South TTA hian Aizawl chhuah lam leh chhim lam vengte a huam thung ang.