Chhanhimi'n silver medal la

National Games 2015, Kerala a neih mekah Khawzawl nula Lalchhanhimi chuan nimin khan Weightlifting-ah Mizoram tan Silver medal a la.

Mizoram aṭanga weight lifter kal thei awm chhun Chhanhimi hi 69 Kg category-ah a tel a, Clean & Jerk-ah 108.0Kg a chawi a, Snatch-ah 83.0 Kg chawi bawkin a belhkhawmin Kg 191.0 a chawi a, silver medal a dawng ta a ni.

National Games 2015-ah hian Mizo infiammi zingah Chhanhimi chiah hi weightlifting-a tel phak a ni a, Mizo infiammmi zinga medal la thei awm chhun a ni.

Lalchhanhimi hi B Lalzenawna leh Lalremtluangi-te fa a ni a, Khawzawl khua a ni. Kum 2008 aṭangin SAI, Mission Vengthlang-ah awmin weightlifting hi a luhchilh a North East leh national level inelna hrang hrangah pawh medal a lo la nual tawh

Chhanhimi medal lak tawh ṭhenkhat chu:

1. 3rd Inter school sports, Purdaspur Punjab -(Silver)

2. North East Games,Itanagar-(Bronze)

3. 26th North East Games,Aizawl -(Gold)

4. 20th Woman Eastern India Weightlifting Championships, Imphal - (Gold & Best Lifter Woman)

5. 49Th Men & 25th Woman Junior National Weightlifting Championships, Delhi - (Bronze)

6. 27th North East Games, Imphal - (Gold).