Internacional-ah Anderson

Brazilian midfielder Anderson chuan Man­chester United aṭangin free transfer-in an ram club Internacional a zawm. Porto player hlui hian a club thar tan hian kum li daih contract a ziak.

Anderson hi Sir Alex Ferguson-a'n kum 2007 khan Porto aṭangin United-ah beiseina sang tak nen a la lut. Kum 26-a upa Anderson hian a hun ṭan tirh lamah che ṭha mah se beisei a pha zui lo. English club club tan hian vawi 179 a khel hman a, 2008-a Champions League-a United an champion ṭum khan final-ah Chelsea lakah penalty a pet goal nghe nghe.

Sir Alex-a'n manager hna a chawlhsan hnuah Brazilian midfielder hian khelhna hmun a chang meuh lo. Nikum January khan Fiorentina-ah loan-in a lo chhuak a, Serie A club tan hian a che ṭha lo.

United tan hian Anderson-a'n Premier League title pali, Champions League (1), League Cup (1) leh FIFA Club World Cup (1)-te a chawi hman a ni.