Ferguson thlak a harsa ang - Mendes

Football agent zinga lar lawr lak Jorges Mendes chuan Manchester United manager hlui Sir Alex Ferguson ang a fing a la tawn leh loh thu a sawi.

Scottish manager Ferguson khan kum 27 chhung Manchester United a enkawl hnuin May 2013 khan manager hna a chawlsan a, amah thlaktu Scottish manager David Moyes chu thla 10 hnuah ban a ni.

Sir Alex a fâk

Mendes chuan, "Sir Alex Ferguson anga manager ṭha hmuh leh chu a harsa tawh ang. Sir Alex kha chuan finna sang tak a nei a, manager fing hmuh hi a harsa a ni. England-ah ka sawi ang chu pakhat a awm... chu chu Mourinho a ni," tiin a sawi.

Mourinho chungchang

Player langsar Cris­tiano Ronaldo, Diego Costa, Angel Di Maria-leh Radamel Falcao-te agent Mendes chuan, "Jose hian Chelsea-ah a cham zel ang, amah hi Cheseal FC Sir Alex Ferguson tur a ni. Amah hian supporter-te a hmangaih a, khawpui nuam a ti a, chuvangin kum 10 aia tam a cham ka ring," tiin a sawi.

De Gea cham dawn

David De Gea agent Mendes chuan Spanish keeper hian United tana khelh chhunzawm zel a rinthu a sawi.

Mendes chuan, "Kum khat contract a nei a, a khelh chhunzawm zel ka ring. Player hi tun dinhmunah chuan United-ah a hlim a, thutlukna hi ama siam tur a ni," tiin a sawi.

Club lianah Falcao

Mendes chuan Rada­mel Falcao chunchang sawi zuiin, "Manchester-ah hian a cham tawh lo a nih pawhin Europe club lianah chuan a khel hrim hrim ang," tiin a sawi.