Japan-in coach Aguirre an ban

Japan Football Asso­ciation (JFA) chuan an coach Javier Aguirre chu La Liga-a match-fixing buaina chungchanga a hming a lo lan ve avangin a hna aṭangin an chawlh tir.

Aguirre hian nikum World Cup zawh aṭang khan Japan team hi a enkawl ṭan a, Asian Cup khelh mek a nih avang khan JFA lam chuan an nghak hram hram a, tournament a zawh ve leh an thawh hona hi an titawp zui ta a ni.

JFA president Kuniya Daini chuan, "World Cup qualifying khelh a hun leh tawh dawn avangin kan tan a ṭha tur a kan ngaih angin hetiang thutlukna hi kan siam ta a ni," tiin coach ban chungchang a sawi.

Mexican coach Aguirre chuan, "Japan-a ka hun hman chhung khan ka hlim a, team leh fan-te an kalzelna turah duhsakna ka hlan a ni," tiin a hna aṭanga ban a nih hnuah a sawi.