QPR boss Redknapp a bang

Thawhlehni khan Queens Park Rangers manager Harry Redknapp chuan club chairman Tony Fernandes hnenah banna a theh lut.

Kum 67-a Redknapp chuan,"Ka khupah harsatna ka neih avangin 100%-in football-ah rilru ka pe thei lo a, chuvangin midang kuta hlan hi club-tan a ṭha zawk a ni," tiin a chawlh chhan a sawi.

English manager chuan sawi chhun­zawmin,"Player leh ka thawhpui zawng zawngte chungah ka lawm hle a ni. A bik takin fan-te chungah ka lawm zual a, chairman nen kan inkarah buaina a awm lo. QPR hian season tharah Premier League an khelh chhunzawm zel ka ring a ni," tiin a sawi.

Redknapp hian 2012 November khan QPR hi a zawm a, nikum khan Championship division aṭangin QPR hi Premier League-ah a hruai kai. Amaherawhchu tun season-ah a club hi a chetṭhat pui lo a, table-ah 19-naah an awm mek.