Raikkonen-a lawm

Ferrari driver Kimi Raikkonen chuan thlasik chhung a an car '2015 SF15-T Ferrari' khawih danglam chuan a tih lawm thu a sawi.

Kum 2007 a F1 champion Raikkonen hian kumin atan a test drive a neih hmasak berah Sauber driver thar Felipe Nasr chiah a umpha lo a, lap 92 lai a tlanchhuak a ni.

Raikkonen chuan, "Car chak ṭhat leh ṭhat loh hi chu han khalh hian a hriat nghal em em a. Tun kuma kan car hman tur zet chu a chak ṭhain, khalh a nuam hle a ni," a ti.

Raikkonen chuan an technical team-te a fak a, Ferrari driver chuan, "Kan technical team-te thawk ṭha hle a ni. Thlasik chhung zawng khan kan car hmasawn nan theihtawp an chhuah a, tunhmaa harsatna kan tawh ṭhinna laite kha tunah chuan siamṭhat an ni tawh a, a phurawm tawh hle a ni," tiin F1 inelna ṭan vat vat a chak thu a sawi.

Season tawpah Ferrari-a Raikkonen-a contract a tawp dawn a, Finnish driver hian con­tract chungchanga chu a chetṭhat dan a zira a ngaih­tuah tur a sawi tel bawk.

Ferrari hian Maurizio Arrivabene chu team principal thar atan an ruat a, Raikkonen-a thawhpui turin vawi li lai F1 Champion lo ni tawh Sebastian Vettel an la thar bawk. German driver Vettel hian Fernando Alonso a thlak dawn a ni.