Cahill-a'n Red Bull a chhuahsan

Australia international Tim Cahill chuan MLS club New York Red Bulls a chhuahsan hnuah Shanghai Shenhua a zawm.

Cahill hi a khelhna New York Red Bulls nen inberemin Thawhṭanni khan Red Bulls a chhuahsan a. Cahill sawmtu langsar zingah Real Sociedad an tel a, Everton-a amah enkawltu David Moyes hnuaia khelh aiin China lama kal a thlang ta zawk a ni.

Kum 35-a upa Cahill chuan, "Premier League-ah ka theihna ka pholan hnuah USA-ah ka khel tawh a. Tunhnaia football-a ṭhang chak em em China-a chona thar hmachhawn hi ka chak a ni," a ti.

Australia tana goal khung hnem ber ni mek Cahill hian Asian Cup khelh zawh takah khan an ram a champion pui a. Cahill hian champion kalkawngah goal thum khung a, ram tan vawi 81 a khelh tawhah goal 39 a khung tawh a ni.