Lehmann-a'n Clarke a duh ber

Australia coach Darren Lehmann chuan ICC World Cup-a Australia captain turin Michael Clarke a ṭhat ber thu a sawi a, thu lengvak tam lutuk chu a nin thu a sawi tel bawk.

Clarke hi malpui hliam vanga a buai reng vangin a captain nihna hlihsak a nih mai theih thu a thang nasa a, hei vang hian Australia coach hi a ṭawngchhuak ve ta a ni.

Australia batsman hlui Lehmann chuan, "Australia captain a ni a, prime minister tih lohah chuan Australia tana mi pawimawh ber a ni. Kan captain hi ṭha taka inkhel turin kan mamawh a ni," a ti.

Kum 33-a upa Clarke inhliam chhung hian Steve Smith chuan Australia captain hna a chelh a, Clarke hi a dam hunah captain ni lehnghal tura beisei a ni.

Cricket World Cup hi February 14 aṭanga ṭan tur a ni a. Australia leh New Zealand te'n an thleng ang.