Liverpool-ah Coutinho a nghet

Philippe Coutinho chuan Liverpool-a a contract neih lai chu kum 2020 thleng cham turin a pawtsei.

Kum 22-a upa Coutinho chuan, "Liverpool hi club ropui tak a ni a, engtik lai pawhin fan-ten min ṭawiawm ṭha em em reng a ni. He club tana khelh zel hi ka duhthusam a ni. Hun rei zawk ka awm thei tur hi ka lawm em em a ni," tiin a sawi.

Liverpool boss Brendan Rodgers chuan, "Kum naupangte nichungin Philippe hian Liverpool a rawn zawm. Amahah theihna sang tak a awm a, club tana player ṭangkai tak a ni tawh a. A nih chhunzawm zel ka beisei, " tiin a sawi.

Kum 2013 khan Brazilian midfielder hian Inter Milan aṭangin Liverpool a zawm a, Liverpool tan game 81 khel tawhin goal 10 a khung tawh a ni.