Ostapenko leh Navarro an inhnukdawk

US Open khelh nan ni tam a awm tawh lo, coronavirus vangin player langsar ṭhenkhat erawhin New York khawpui an pan dawn lo. 2017 French Open champion Jelena Ostapenko leh Carla Suarez Navarro te pawhin an inhnuhdawh thu an sawi ve leh ta.

August 31 aṭangin Flushing Meadows, New York-ah hard court inelna lian hi khelh tura tih a ni, a hmunah entu an awm lo ang. Hmeichhe singles lamah ranking sang zual pariat zinga paruk chu an inlan dawn lo tih a chiang tawh.

Tournament khel thei lo tur zingah world number 1 Ash Barty leh nomawi kawl mektu Bianca Andreescu te an tel. Season hmasa lama hliam vanga beisei phak lo Suarez Navarro pawh kuminah a hmel kan hmu thei dawn lo a ni.

United States Tennis Association chuan hripui leng mah se tournament hi a hun pangngaiah kaltlang pui ngei an tum a, season dang erawh a phak dawn lo tih chu a chiang tawh - mipa leh hmeichhe singles champion lai pahnih an inlan dawn lo.

Mipa world number 2 leh champion lai ni bawk Rafael Nadal a inlan dawn lo a, player ropui Roger Federer inlan loh chhan tur erawh hliam a neih vang a ni. Serbian tlangval Novak Djokovic erawh a inlan thung ang.