Arsenal no.1 nih tumtu Ospina

World Cup 2014-a Colombia goalkeeper che ṭha tak David Ospina chuan Arsenal-ah first choice keeper ni tura theih tawp a chhuah chhun­zawm zel tur thu a sawi.

Ospina chuan, "Arsenal-ah keeper ṭha tak tak Wojciech Szczesny leh Emiliano Martinez te kan nei a, heng ho zinga number one ni tura beih hi thil hautak tak a ni a. Nih theih ngei erawh ka rawn tum," tiin a sawi

Arsenal boss Arsene Wenger chuan no.1 keeper atana a hman ṭhin Wojciech Szczesny aiah David Ospina hi a luhtir fo a, Ospina hi a khel ṭha thei hle.