PSG inkhelh hun an sawnsak
Paris Saint-Germain chuan French League hnenah Ligue 1 match an khelh tur chu sawn hlat an dil a, an dilna hi tih hlawhtlinsak an nih avangin ni 12 chhung hahchawlhna hun an neih belh dawn.
Tun kar Inrinni zana Lens nen an inkhelh tur sawn a ni a, league match karah international match a awm dawn avangin season thara an Ligue 1 match hmasa ber chu September 10-ah an khel dawn tihna a ni ang.
August 21, Zirtawpni zan aṭang khan 2020-21 Ligue 1 season chu an ṭan leh tawh. PSG hi an match hmasa bera Metz nen an inkhelh tur chu Champions League final an khelh avangin sawnsak an lo ni
tawh bawk.
Coronavirus vangin football khawvel a buai a, season hmasa Ligue 1 pawh khel zo loin April thla khan an titawp; hmahruaitu PSG chu nomawi hlan an ni, kuminah pawh an chesual viau a nih loh chuan an nomawi humhim thei tura ngaih an ni.