Nupui vanga ngaihdam dil Zinchenko

Manchester City defender Oleksandr Zinchenko chuan a nupui ṭawngkam vangin social media lamah ngaihdam dilna a pholang.

Zinchenko-a nupui Vlada Sedan hi sports journalist a ni a, Champions League quarterfinal-a 3-1 a Lyon an ngam loh hnu lawk khan Sedan hian Pep Guardiola chu langsar takin a sawisel. Sedan hian a YouTube channel lamah Pep hi sawiselin, "Khatiang ang game pawimawh lutukah khan eng vangin nge a tactic a rawn thlak thut?" tiin zawhna a zawt a, City fans tam tak chu Pep lamah ṭangin an lawm lo hle. 

Kum 23 mi defender Zinchenko chuan, "Ka nupui hi journalist ni mah se City fan a ni ve bawk a, fans dang ang thoin inkhelh zawha a lungawi loin a lawm lohna a pholang ve a ni. "Ka nupui a nih tawh avangin social media lama pholan a rem lo tih kan hria a, mahse journalist a nihna anga a ngaihdan ni loin fan a nihna anga a ngaihdan a sawi ve a ni. "Tunah hian kan inneihna hmun aṭangin he thu hi ka rawn ziak a, a chhan chu rilru nuam lo tak chunga awm reng ka thei lo a ni. Min hriatthiam ka beisei," a ti.