Arsenal-in Bournemouth hneh hram

USA-a pre-season tour nei mek Arsenal chuan an match hmasa berah Bournemouth an hneh nghal a, an chak dan erawh penalty a nih avangin Mikel Arteta naute tan inchhuanna tur a awm lo.

Gunners tan Fabio Vieira chuan goal hmahruai khung mah se, Cherries hian Antoine Semenyo hmangin an chhanglet a, 1-1 in inkhel a tawp. Penalty hmangin chak zawk zawn zui a ni a, Arsenal tana pettu paruk zingah Leandro Trossard chauhin a hlah laiin, Bournemouth tan Philip Billing leh Ryan Christie ten an hlah a, 5-4 in Arsenal an chak.

Areteta-a'n pre-season tour hi player naupang rual chhawrna hun atan a hmang a, kum 17 mi Ethan Nwaneri, kum 17 mi defender Ayden Heaven leh kum 20 mi Salah-Eddine Oulad M’hand te chu Cherries hmachhawntu zingah an tel.

Arsenal an vannei, tiin a sawi theih a, season hmasaa league goal 19 khungtu Dominic Solanke leh Daniel Jebbison te chance neih ṭhat chu keeper, kum 22 mi Karl Hein chuan ṭha zetin a dansak.

Gunners hian Pathianni zing dar 5:30-ah friendly match khelh chhunzawm zuiin, an hmelma kumhlun Manchester United an hmachhawn ang.