Spurs-in Korean winger Yang la lut dawn

Khawchhak rama pre-season tour nei mek Tottenham Hotspur chuan South Korean winger Yang Min-hyuk an la lut hnai a, July 31, Nilaini tlaia K-League XI nen an inkhelh hunah kum 18 mi forward hi tlangzarh hman an inbeisei.

Yang hi K League club Gangwon FC tan a khel mek a, senior match 24 a khelhsakah goal sarih khungin assist vawi thum a nei tawh - a lakah beiseina a sang hle. March thla khan Gangwon tana a goal hmasa ber khungin, kum 2013 hnua K League-a goal khung thei naupang ber a ni.

Spurs hi South Korean fan-te atchilh rawn Son Heung-min captain-na hnuaiah an khel mek a, Yang hi an la lut a nih chuan Son leh Lee Young-pyo hnua South Korean mi Spurs zawm leh hmasa ber a ni ang.