Lee-a'n Ireland pui dawn

Australian player ropui ṭhin Brett Lee chu Ireland Cricket team bowling coach thar atan ruat a ni. Australian fast bowler hlui hian Ireland hi Cricket World Cup inbuat­saihnaah chauh a pui ang.

Ireland coach Phil Simmons chuan, "A tawnhriat leh thiamna hi kan chhawr ṭangkai ngei kan beisei a, World Cup ang hun pawimawhah hian a ṭangkai lehzual dawn a ni. Lee hnen aṭanga thil tam tak an zir thei tur hi kan bowler-te an vannei hlein ka hria," tiin a sawi.

Kum 38-a upa Lee hian Cricket World Cup-ah Australia ṭum hnih a champion pui tawh a; test match vawi 76 khelin wicket 310-lai a la a, ODI-a vawi 221 ram tan a khel tawh bawk.