Champion tur a la chiang lo - Allegri

Serie A hmahruaitu Juventus-in anmahni hnaih bertu AS Roma aiin point sarihin an sang fal nachungin Juve manager Massimiliano Allegri chuan an la champion loh thu a sawi.

Allegri chuan, "Scu­detto hi kan la la chiang lo. Champion turin kawng thui tak kal a la ngai a, Roma hian min la umpha thei a ni. Chhiarkawp dan hmanga a chian hma chu champion-ah ka inngai thei lo. Champion turin fimkhur takin kan khel chhunzawm tur a ni," tiin an la champion loh thu a sawi.

A club hlui Milan nena an inkhelh tur chung chang sawiin, "January-ah Milan hian harsatna an nei a, amaherawhchu Decem­ber thlaa Napoli hnehtu leh Roma draw-tu an ni. Transfer laiin player ṭha tak pali an la lut thei a, season tharah European competition khelh ngei an tum. An manager Inzaghi hian coach ṭha ni turin theihna an nei a, Milan lakah hian awlsam takin point kan hlawchhhuak lo ang," tiin a sawi.

Juventus hian zanin dar 1:15 hian an khelmual Juventus stadium-ah Milan an mikhual ang.