Gambhir hoin India inlan dawn

India cricket team-in zanin dar 7:00 hian Gautam Gambhir hnuaia an match hmasa ber an khel dawn a, T20 inelnaah Sri Lanka an hmachhawn ang. Men in Blue leh Lions hian T20 match thum an khelh zawhah ODI match thum an khel leh dawn.

Gambhir hi player a nih laiin World Cup-ah vawi hnih a champion a, Rahul Dravid thlakin India coach hna a chelh. Dravid hnuaiah India hian T20 World Cup nomawi an chawi avangin Gambhir chungah beiseina a sang dawn. Hei bakah hian Dravid hnuaiah India hian World Test Championship, ODI World Cup leh T20 World Cup-ah final an thleng vek.

World Cup zawhah Rohit Sharma leh Virat Kohli ten T20I khelh an chawlhsan a, Suryakumar Yadav-a'n captain hna a chelh dawn. Tun ṭumah hian World Cup best player Jasprit Bumrah hahdamna hun pek a ni a, Arshdeep Singh leh Mohammed Siraj te tan dinhmun sawhngheh theihna remchang a ni ang.

India's T20I squad: Suryakumar Yadav (c), Shubman Gill (vc), Yashasvi Jaiswal, Rinku Singh, Riyan Parag, Rishabh Pant (wk), Sanju Samson (WK), Hardik Pandya, Shivam Dube, Axar Patel, Washington Sundar, Ravi Bishnoi, Arshdeep Singh, Khaleel Ahmed, Mohammed Siraj.

India's ODI squad: Rohit Sharma (c), Shubman Gill (vc), Virat Kohli, KL Rahul (WK), Rishabh Pant (wk), Shreyas Iyer, Shivam Dube, Kuldeep Yadav, Mohd. Siraj, Washington Sundar, Arshdeep Singh, Riyan Parag, Axar Patel, Khaleel Ahmed, Harshit Rana.