Viera thlaktu Rosenior

Championship club Hull City boss Liam Rosenior chuan French club RC Strasbourg a zawm a, July 18-a inhriatthiam tawnnaa Ligue 1 club chhuahsantu Patrick Vieira hmun a luah ang.

Kum 40 mi Rosenior hian season hman zawh takah Hull chu league-ah pasarihna a nihpui a, mahse, playoff an khelh phak loh avangin an ban. Rosenior chuan, "French club hlun tak, fans ṭha tak tak an neih avanga hriat hlawh em em ka zawm thei hi ka lawm hle," tiin a sawi.