Hammers-in Bayern defender la dawn

West Ham chuan Bayern Munich full back Noussair Mazraoui la lut turin German club hi inremna an neihpui a, a man atan pound maktaduai 13.47 an pe phawt ang a, a khelh ṭhat chuan £2.95mtd an pek belh ang.

Kum 26 mi defender hi Manchester United nen pawh sawizawm a lo ni tawh a, mahse, Hammers lam a pan dawn ta zawk niin a lang - he thu buatsaih a nih lai hian mimal thilah an indawr mek a, an inrem theih chuan West Ham player a ni dawn.

Netherlands-a piang Mazraoui hian Ajax academy aṭangin a professional zinkawng a zawh ṭan a, kum 2022 khan Bayern hi a zawm. Mahse, free transfer-a a zawm club-ah hian beisei angin hmun a chang tam tawk lo a, season hnih chhungin match 55 a khel ve hram a ni.