Pathumna DR Congo

Africa Cup of Nation pathumna inchuhna inkhelah DR Congo-in a thlengtu Equatorial Guinea hnehin pathumna an ni. Inrinni inkhelah hian hun pangngaiah goal a lut lo a, penalty shootout-ah DR Congo 4-2 in an chak.

Equatorial Guinea-in inkhel thunun zawk mah se captain Middlesbrough striker Emilio Nsue leh Estoril winger Javier Balboa te'n an chance neih goal-ah an chantir thei lo, penalty pet a ngaih phah ta a ni.

Penalty shootout-ah Equatorial Guinea player Javier Balboa leh Raul Fabiani te'n an pet goal lo a; DR Congo erawhin an pet goal vek a, 4-2 in an chak. Pathumna inchuh­na inkhel en tur hian mi 4000 vel chiah stadium-ah an pungkhawm a, entu tlem chhan hi semifinal-a Equatorial Guinea leh Ghana inkhelh ṭuma fans te'n buaina an chawh chhuah vang kha a ni.