Gold medal 5 latu Dipa

Tripura nula gymnast Dipa Karmakar chuan National Games, Kerala a neih mekah gold medal panga a la.

Kum 21-a upa Karma­kar hi heti khawpin che ṭha mah se an state sorkar aṭanga lawmpuina a dawn erawh a beitham hle. Gold pakhat zelah Rs 2,500 zel chauh a dawng.

Karmakar chuan, "State tenau Tripura te ang tan chuan sum leh pai tam taka lawmpuina inpek hi thil harsa a ni a, ka vui hran lo. Ka duh awmchhun chu Tripura sorkar hian hmun leh hma ṭha zawk infiammi te tan ngaihtuah se, kan nau te ho in keini aia ṭha lehzualin an rawn tih theih phah dawn a ni," tiin a sawi.

Dipa Karmakar hian kum 2014 Glasgow khawpuia Commonwealth Games neihah khan India tan bronze medal a lo la tawh a ni. India hmeichhe gymnast zinga Commonwealth Games a medal la hmasa ber a ni.