Pardew a lungawi

Crystal Palace manager Alan Pardew chuan Newcastle United tana a hnahthawhah a lungawi thu a sawi.

Pardew hian Nilaini zan hian a club hlui hmachhawn turin St James Park a tlawh ang.

Crystal Palace boss chuan, "New­castle-ah hna ṭha takin ka thawkin ka hria, club ka chhuahsan danah khan ka lungawi. Newcastle United supporter-te nen hun hlim­awm tak kan hmang ho a, ka let leh hunah pawh hian min auh el ka ring lo," tiin a sawi.

Pardew hian Newcastle United hi season bul an ṭan ṭhat loh avangin supporter-te'n an bang turin an nawr a; December thlaa a ban hma khan Newcastle United hi kum li a lo enkawl tawh a ni.