Roma, Inter leh Napoli te an chak

Inrinni zanah Serie A hmahruaitu Juventus an chak a, Pathianni zan khan AS Roma chak ve lehin Juventus an um chhunzawm zel.

Champions League khelh tum Napoli an chak a, che fuh thei lo Roberto Mancini enkawl Inter Milan an chak bawk.

Roma-in hmalam pan

Gianfranco Zola kaih­hruaina hnuaia khel Cagliari-in an khelmualah hneh loh an la tawng lo mah se Roma hmaah an record duhawm tak an chhunzawm thei lo. Roma hi 2-1 in an chak.

Roma tan Adem Ljajic-a'n minute 37-naah hmahruaina goal a khung a, Cagliari lamin nasa takin nawr let mah se first half-ah goal a lut belh lo.

Cagliari khel ṭha mah se minute 85-naah Leandro Paredes-a'n Roma goal hnihna a khung a, injury time-ah Paul Jose Poku-a'n Cagliari tan goal khat a khung ve hram a; 2-1 inkhel a tawp.

Napoli an chak

Napoli-in an mikhual Udinese chu 3-1 in an hneh a, Napoli tan Dries Mertens leh Manolo Gabbiadini te'n first half-ah goal an khung a, Cyril Thereau hmangin Udinese-in goal khat an chhang let a, first half-ah 2-1 a ni.

Second half-ah Udinese tana goal khungtu Thereau-a'n an lamah a tilut a, goal dang a luh belh lo.

Mancini a lawm

San Siro-ah Inter Milan-in an mikhual Palermo 3-0 in an hneh. Inter hian first half-ah Colombian Fredy Guarin hmangin goal an khung a, second half-ah striker Mauro Icardi chuan goal hnih a khung leh bawk.

Inter baoss Roberto Mancini chuan, "Kan khel ṭha khawp mai. Khatiang a khelh chhunzawm zel kha kan tum tur chu a ni. Fredy Guarin khan midfield a thunun a, a khel ṭha tluan chhuak a ni," tiin goal khungtu Guarin a fak.