Joyce-a'n ICC sawisel

Ireland batsman Ed Joyce chuan Cricket World Cup-a ram khel thei zat tih tlem avangin International Cricket Council (ICC) chu na takin a sawisel.

2015 Cricket World Cup-ah hian ram 14 an tel a, England-in 2019 Cricket World Cup a thlen hunah chuan ram 10 chiah an tel thei tawh ang.

Ireland batsman Joyce chuan, "World Cup-a team 10 chauh an tel tur hi ka lungawi lo takzet a ni. Cricket chiah hi infiamna zinga tih len aia tih tlem duh niin a lang," tiin a sawi.

Joyce chuan sawi chhunzawmin, "Keini ang ram tan chuan tun hi kan World Cup hnuhnung ber a ni dawnin ka hria, qualifying tournament hi paltlang zawh ka ring lo. ICC thutlukna hi ka thinlung takin ka pawm lo a, hei hi sports kalpui tur niin ka hre lo. Cricket ram tenau zawk hi inelna lian tham khelhna chance min siam ve tur a ni," tiin a sawi.

2019 Cricket World Cup-ah hian ICC ranking-a a sang pariat bakah qualifying-a che ṭha pahnih an tel bawk ang. Qualifying hi Bangaldesh-ah kum 2018 a neih tur a ni.