David Beckham a buai

England captain hlui David Beckham-a'n Major League Soccer-ah club neih ngei a tum a, a duh anga ruahmanna a kal chak tawk loh avangin a buai hle.

Manchester United midfielder hlui hian October 2013 khan Miami khawpui behchhana MLS club din an tum thu a lo puang tawh a, stadium mi 25,000 lenna tur an rua­hman erawh hnawl sak a ni.

MLS-a LA Galaxy tana khel ṭhin Beckham chuan, "Miami khawpui­in stadium-a la neih loh avangin stadium tur buaipuiin theihtawp kan chhuah mek a ni. Hmasawn zawngin kan kal ve zel a, tun aṭanga thla reilo teah kan inpeih hman kan beisei. Kan beisei anga kan kal chak tawk loh avang erawh chuan a ninawm hle," a ti.