Danny Ings duhtu David Moyes

Manchester United manager hlui David Moyes chuan Burnley striker Danny Ings a duh thu a sawi.

November, 2014 khan Moyes hian Real Sociedad a zawm a, a club thar hi table-ah 12-na a nih pui mek. Sociedad hian game 22 khelh tawhah point 23 an hmu tawh a ni.

Scottish manager chuan, "Danny hi player ṭha tak a ni a, tu pawhin an team-a khel turin an duh ang. Kan hnenah a rawn kal duh angem chu ka hre lo, mah se rawn kal ngei turin ka duh hle a ni," tiin a sawi.

Ings-a contract hi tun nipuiah a tawp dawn a, free transfer-in a duhna hmun a pan thei dawn a ni. England U21 player Ings hi January transfer khan Liverpool leh Totten­ham-te nena sawi zawm a ni.