England striker ṭha ber Sturridge- Rodgers

Liverpool manager Brendan Rodgers chuan Daniel Sturridge chu England striker ṭha ber nia a hriat thu a sawi.

Tunhnaiah Tottenham Hotspur striker Harry Kane a che ṭha a, England striker ṭha ber ang hiala sawi thawm a awm. Rodgers chuan a ṭawmpui ve lo.

Rodgers chuan, "Ka tan chuan Daniel aia striker ṭha an awm lo. Striker ṭha in an neih tur ang zawng zawng hi chu a nei vek a ni. A goal khung theih dan te, hmun awl in siam a thiam dan te leh a chak dan te hi kan en chuan English striker ṭha ber a ni tih kan hre thei a ni," tiin Liverpool forward a fak.