Sanchez leh Wright khaikhintu Wenger

Arsenal manager Arsene Wenger chuan Barcelona aṭanga a lak luh Alexis Sanchez chu season khatna lekah Arsenal legend Ian Wright nen a tehkhin der tawh.

Wenger chuan, "Ian Wright nen an inang hlein ka hria. Mi kawm nuam tak a ni a, Wright aiin a ngawichawi deuh e tih chauh a ni. An inkhel kan en chuan Wright-a'n inkhel tura phurna nasa tak a neih ang kha Alexis hian a nei a ni," tiin a player chu a fak hle.

Alexis hian Arsenal a zawm hnuin match 32 khel tawhin goal 18 a khung tawh a, Ian Wright khan Arsenal tan match 221 khelin goal 128 lai a khung thung.