MFA leh CYMA-in football inelna siam dawn

Mizoram Football Association chuan 2013-2014 season calendar-a a lo dah tawh angin, All Mizoram Inter Village Football Tournament a siam dawn a, tun ṭumah hian Central YMA-in thawhpuia a sawm angin an thawk dun dawn a, 'Inter Branch YMA Foot­ball Tournament' tia kalpui tur a ni ang a, April 21, 2015-a ṭan tum a ni.

February 9 khan MFA leh CYMA OB-te hi inkawmin thawhho an rem ti a, pawl pahnih aṭangin mi panga ve ve awmna orga­nising committee din a ni a, MFA technical rules angin YMA branch hrang hrangte inelna tur football tournament buatsaih a ni ang.