India an chak lo

ICC World Cup inpuahchahna inkhelah India-in Australia run 106 ngawtin an hneh lo a, England-in West Indies wicket kuain an hneh.

Che fuh thei lo India

Australia lamin an vaw hmasa a, run 372 lai siamin India tan target sang tak an siam sak.

India tan opener Shikhar Dhawan chuan run 59 siamin bul a ṭan ṭha a, Ambati Rayadu chuan run 53 a siam. Amaherawh-chu Indian batsman dang an chetṭhat loh avang in India hian run 266 chiah an tlin a, a chak zo lo.

India hian warm up match khelh hian Australia leh England te te nen tri series an lo nei tawh a, hneh an nei lo.

England-an chak

England chuan an khingpui West Indies lakah harsatna an tawk lo a, Sydney-a inkhelah hian wicket kuain hnehna an chang.

Toss-a vannei zawk West Indies an bat hmasa a, an opener pahnih Chris Gayle leh Darren Bravo-te chu Chris Woakes-a'n over khatna lekah a vawm hlum nghal.

Hemi hnu hian West Indies hi an tho chhuak zo tawh lo a ni ber. England bowler-te'n over 29.3 lekah West Indies batsman te an vawm hlum vek a, run 122 chiah an siam hman.

England hian over 22.5 lekah target an umpha a, England tan Moeen Munir Al-a'n run 46 a vawchhuak a, Ian Bell-a'n run 35 a siam ve bawk.