Kan champion tho ang - Ronaldo

Madrid derby-ah chak lo mah se Cristiano Ronaldo chuan La Liga-ah an champion a rin thu a sawi.

Inrinni zan khan Real Madrid-in an hmelma Atletico Madrid 4-0 in an hneh lo a, La Liga champion tura inum boruak a ti sosang hle.

Kum 30-a upa Ronaldo chuan,"Team ṭha tak kan ni a chu chu field chhungah kan lantir ṭhin. Mahse ṭha takin a khelh theih reng loh. Inkhelh tur tam tak ala awm avangin Atletico nena kan inkhel theihnghilh a hma lam kan thlir a pawimawh. A tawpah chuan champion nomawi kan chawi ngei ang," tiin a sawi.

Ballon d'Or ṭum thum dawng tawhtu Ronaldo chuan an elpui Atletico Madrid hneh lo mah se champion erawh ala inring hle.