Goal nena bul ṭan Villa

Thawhlehni khan Spanish forward David Villa chuan a club thar New York City tana a game hmasa ber a khel a, goal a khung nghal. New York City hian friendly match-ah Scottish club St Mirren 2-0 in an hneh.

Villa chuan, "Goal ka khung avangin ka lawm hle a ni. Kan team kan khel ṭha a. Thawhrimna nen hmalam kan pan zel ang," tiin a sawi.

Kum 33-a upa Villa hian 2014 World Cup first round an paltlang loh hnuah ram tana khelh a chawlhsan a, hemi hma hian Spain hi World Cup leh Euroean Championship-ah te a lo champion tawh a ni. Villa-hi Spain tana goal khung hnem ber a ni mek a, a ram tan goal 59 zet a khung tawh a ni.

Valencia player hlui Villa khelhna New York City neitu hi New York Yankees leh Manchester City te an ni a, 2014-15 season zawhah Villa hi English midfielder Frank Lampard-a'n a zawm ang.