Canadian striker Hume-a'n ISL khelh leh a hreh lo

Kerala Blasters top scorer Iain Hume chuan Indian Super League season thara Kerala tana khelh leh a hrelh loh thu a sawi.

Canadian striker Hume chuan, "Nikum kha chuan engkim kha ngaihtuah chian theih pawh a ni lo. Kum 15 chhunga a vawi khatna atan contract ka nei lo a, awm dan tur pawh ka hre lo. Ka ṭhiante rawtna angin ISL zawm chu ka thlang a, khatih lai khan India football kalhmnang ka hre lo a, India club engemaw ber tana khelh erawh ka duh," tiin ISL a luh dan a sawi.

Canada tana vawi 41 khel tawh Hume chuan sawi chhunzawmin, "Kum 31-a upa chauh ka ni a, ISL hmasa ber kha ka tawpna tur a ni lo. Taiwan aṭang leh hmun dang aṭangin sawmna ka dawng a, pawisa a tam tawk loh avangin ka zawm hreh a ni. Ka chhungte kalsan hi a har lai ber a ni a, final thleng khan hmuhna hun ka nei lo. Chutihrualin kan club-ah English player David James leh Michael Chopra te an awm a, anni hian phurna min pe a ni. Tunah hian club nen kan inbe mek a, ISL khelh leh hi ka hnial lo," tiin a sawi.

Hume hian ISL-ah goal nga a khung a, a football career-ah game 500 khel tawhin goal 115 a khung tawh a ni.