Club tana rinawm Reus

German midfielder Marco Reus chuan Borussia Dortmund-ah kum 2019 June thleng cham turin a contract a pawt sei.

Dortmund chief executive Hans-Joachim Watzke chuan, "Thuthang leng vel vang mai mai vangin kan buai lo a, tunah chuan a chiang ta. Player ṭhatak a ni a, kan hnen a hun rei tak a awm thei tur hi kan lawm hle a ni," tiin a sawi.

Contract pawtsei hlim Reus chuan, "Contract ka pawtsei thei hi ka lawm hle a ni. Dortmund hi ka chennna a ni a, Borussia hi ka club a ni. Hmalam kan pan zel ka beisei a, kan fan-te hi khawvel-a fan ṭha ber an ni," tiin a sawi.

Borussia hian contract pawhsei loh vangin Robert Lewandowski chu Bayern Munich-ah a thlawnin an lo chhuah tawh a, Reus erawh Europe club liante'n an duh a nih chuan pawisa tam tham tak an sen a ngai tawh ang.