England champion ringtu Michael Vaughan

England captain hlui Michael Vaughan chuan February 13 a khelh ṭan tur Cricket World Cup-ah an ram chu an champion a rin thu a sawi.

Vaughan chuan, "Tun dinhmunah chuan England team hi an inkhairual hle a, batsman an nei ṭhat bakah fielding lam pawh an ṭha hle a ni. Tin, captain ṭha tak an nei bawk a ni. An game hmasa pahnih Australia leh New Zealand-an tum tur hi a pawimawh hle dawn a, hetah hian result ṭha an nei thei a nih chuan an champion ka ring tlat a ni," tiin a sawi.

England hian an warm up match hnuhnungah West Indies chu wicket kua in an sawp a ni. Inrinni khian an World Cup game hmasa berah Australia nen Melbourne Cricket Ground-ah an inhmachhawm ang